الأربعاء، ١٢ مارس ٢٠٠٨

ّلَمّا تدبل عيون المها


في البداية لم تكن صلتي بها تتعدي السلام عليكم وعليكم السلام فهي تعمل في السيبر المجاور ، جذبتني اليها ابتسامتها الخلابه ووجهها الطفولي الملائكي شديد البراءة وجمالها الآخاذ ، تبتسم لي كلما رأتني ،
لم تدخل الصيدليه الا لطلب فكه او علبة مناديل ,و بالرغم من ذلك شعرت تجاهها بالاعجاب والحب الشديد فروحها خفيفه و طريقتها في التعامل راقيه
عمرها لا يتجاوز الثامنه عشر حصلت لتوها علي دبلوم تجاره ثم قررت ان تكمل دراستها في معهد عالي سنتين ، علي امل ان تلتحق بالجامعه بعد ذلك

صدمتني يوما عندما جاءت لتسأل عن نوع من الادويه المدعمة

دكتوره لو سمحتي ممكن الاقي عندك الحبوب دي

كانت علبة ليوكيران Leukeran التي يتناولها مرضي سرطان الدم " اللوكيميا "

لا والله يا مها اصلها مدعمة وناقصه جدا لمين لحد قريبك

لا ليا ...........

ليكِ انتِ .....!!!!!!!!!!!!!!!!!!!!!!

ايوه

لأ بجد .....؟؟؟؟؟؟


نظرت الي نظره حزينه وقال

آه والله ليا يا دكتور

صدمتني اجابتها و ظللت لفتره لا اصدق كلامها واعتقدت انها تقول ذلك لاعطيها علبه ، فهذا الدواء مدعم من الدوله وغير متوفر بالمره ، كل صيدليه تحصل علي كوته علبه او اثنين مره او مرتين في السنه ،

نظرت اليها في اسي ووعدتها اني ساحاول توفير علبه في اقرب وقت ، فشكرتني وانصرفت بهدوء ، وانا مازلت مذهوله ولا اصدق ان المرض اللعين ينهش جسد هذا الملاك البرئ الذي يقاتل جيوش السرطان في صمت

ثم بعدها حاولت ان اعرف اكثر عن ظروف هذه الفتاة الجميله التي تصارع المرض اللعين ببساله

علمت ان ابيها وامها يعملان علي عربة لبيع الفول والطعميه بجوار الفرن البلدي القريب، ومها هي الثانيه في ترتيب الابناء يكبرها اخوها بثلاث سنوات ، حصل علي دبلوم صنايع وعندما لم يجد عمل اضطر ان يعمل علي توكتوك باليوميه ليساعد ابيه في مصاريف المعيشه
ويليها اختان واخ في مراحل التعليم المختلفه
ظروف اسرتها السيئه لم تسمح بمصاريف أخري علي الدراسه وبالتالي قررت ان تساعد نفسها بالعمل حتي تحقق حلمها وتلتحق بالجامعه

لم تكن الاسره تشعر بعبء مصاريف العلاج باهظ الثمن فقد كانت تعالج علي حساب التأمين الصحي لطلبة المدارس ، وعندما حصلت علي الدبلوم توقف التأمين ليترك الاسره تعاني الأمرين ، وتعتمد في العلاج علي مساعدات اهل الخير

كانت تعالج في مستشفي الجامعه واحيانا في معهد ناصر ، وكثيرا ما كانت تضطر لشراء بعض الادويه باهظه الثمن والتي تتجاوز الالف جنيه ،
كما كانت تضطر لانتظار دورها في تلقي العلاج بسبب عدد المرضي الرهيب ، نصحها البعض بعمل علاج علي نفقة الدولة لتستطيع مواجهة نفقات العلاج
وبالفعل بدأت في الأجراءات التي كانت معقده جدا آن ذاك

كنت اراها تشحب يوم بعد يوم ، يخبو بريق عينيها وتكسوها الهالات السوداء ، وبالرغم من ذلك لم تترك العمل الا بعد فتره

وكانت امها تموت في اليوم مائة مره ، تتحسر علي اجمل بناتها وهي تذبل ويتساقط شعر راسها الناعم الطويل ، وتأتيها نوبات من الغثيان والدوخه، و تعاني من هزال شديد ، وتفتك بها الآلام يوميا ولا تستطيع ان تفعل شئ لانقاذها مما هي فيه

بعد فترة انقطعت تماما عن العمل وعرفت انها
حصلت اخيرا علي قرار العلاج علي نفقة الدوله و دخلت المستشفي بعد تدهور حالتها بشده لتكن تحت ملاحظه مستمره وتتلقي العلاج بانتظام

ثم لم ينقضي اسبوعان الا وقد رفعت الرايه البيضاء معلنة هزيمتها امام هذا المرض اللعين ،وأسلمت روحها لبارئها وهي مازلت في ريعان الشباب


انا لله وانا اليه راجعون


هناك ٦٣ تعليقًا:

http://kasperb4.blogspot.com/ يقول...
أزال المؤلف هذا التعليق.
http://kasperb4.blogspot.com/ يقول...

لا حول ولا قوة الا بالله
البوست المرادي صعب اوي يا دكتورة

ربنا يرحمها ويغفر لها ويكون مرضها ده في ميزان حسناتها
والحمد لله الذي عافانا
والله الواحد في نعم لا تعد ولا تحصى فعلا
الحمد لله ملئ السماوات والأرض وما بينهما

فاتيما يقول...

يا فضفضة
فعلا زى التعليق السابق هقول برضو...
البوست صعب قوى
الاصعب إن بنت صغيرة و شابة حياتها تنتهى كدا بسبب الإهمال ...
طبعا كل واحد له عمر و محدش هيعيش يوم زيادة ...بس لو كان خدت فرصتها فى العلاج من بدرى ؟ ... موش كان ممكن مها تكون واحدة من البنات الحلوة اللى عندها مدونة و كلنا نعرفها؟؟
و الله يرحمها و يسكنها الجنة ما هى شافت غيه فى الدنيا غير العذاب
ربنا يتولى كل اللى فى حالتها
ونقرالها الفاتحة

صبرني يارب يقول...

لا حول ولا قوة الا بالله ان لله وان اليه راجعون .
يا فضفضه قلبتي علينا المواجع الله يصبر اهلها ويهديهم هى يمكن ارتاحت لكن هماالى تعبانين .
ربنا يسكنها فسيح جناته ان شاء الله .

وعلى فكره مش عايزه اقولكم انا باشوف حالات زي كده فعلا فعلا اهمال ما بعده اهمال ولا مبالاه من القائمين علينا بالام الناس .
احنا فى عندنا فى الشارع جمعيه لمساعده مرضى السرطان لكم ان تتخيلوا بقى الناس الى بتكون واقفه على باب الجمعيه دول شكلهم ايه .
وحسبنا الله ونعم الوكيل وما وصفتيه يا فضفضه شوفته فى شخص عزيز علينا لكن بالتصوير السريع ربنا ما طولش عليه اسبوعين من اكتشاف المرض وكان ارتاح والله يصبر اهله ويكرمهم يارب ؟
وجزيتى خيرا يا فضفضه على قلبك الجميع مع الحالات الى بتشوفيها واتمنى لك وللجميع كل الخير

عصفور المدينة يقول...

يارب رحماك بهم أحسن إليهم وأنزل عليهم صبرا من عندك وأثبهم ثواب الصابرين بغير حساب وارزق من مات منهم منزلة الشهداء وعافهم واجعل ما أنزلت بهم رحمة لهم ووسيلة إلى جنتك وعافنا أجمعين

إحساس الراحة بعد وفاة أحدهم وكأنك فرحت له أن خفف الله عنه هل هو إحساس آثم؟ وهل ظهر الأرض لأغلبنا خير له أم باطنها سيأتي زمان يمر الرجل على القبر يقول لصاحب القبر يا ليتني كنت مكانك من شدة الفتن الذي تحيط به في الدنيا وخشيته على دينه.

في قمة الألام والدماء ونقل الدماء والبكاء والوساوس والخوف من المجهول
هناك قوم وجوههم شاحبة من كثرة البقاء في الظل والمكيفات أصواتهم هادئة من الأدب الزائد والرفاهية المطلقة ومن مؤتمر إلى مؤتمر ومن مستشفى لمستشفى ومن تغيير سيارة إلى تغيير سيارة ومن متابعة أخبار ذلك الزميل أو المنافس إلى ..............
أنت بالنسبة لهم مجرد رقم ...مجرد عميل مؤقت على وشك أن يفقدوك أنت ميت ميت والحي أبقى من الميت ...
فسبحان الله وأين الحي الذي لا يموت

======
اقتطفت هذا التعليق من تدوينة لي بعنوان أحزان1

دكتور حر يقول...

كنا من فترة نتأثر لرؤية المرضى
ونتألم لأحوالهم

ونتأثر بما يعانون
ولكن للأسف
لطبيعة ما نرى ونكرر كل يوم
بلدت مشاعرنا
وتبلدت أحاسيسنا نوعا ما

مات ثلاثة على يدي
أعطيت أهليهم خر الموت الحتمي
وانا ما زلت أدرس

نحتاج الى جهود مضاعفة حتى نتذكر العلاقات
قد ا نحسها الا في من يعز علينا ان يرحلوا عنا

للهم أرحم امواتنا
واغفر زلاتنا

ورقق قلوبنا
واختم لنا بخاتمة السعادة اجمعين

الطائر الحزين يقول...

ليه كدة يا دكتورة

من فضلك

يا الله

ذكرتينى بمرض والدى الذى يعد بسيط فيما واجهته مها

رحماك يا رب


ياريت تزينى الحقيقة ولو قليلا بالله عليك

Unknown يقول...

دكتورة فضفضة
حضرتك شوفتي واحدة
انا بشوف فى اليوم اكتر من خمس حالات بيروحوا من ادينا
اطفال زي الورد ضحكتهم تنسيكي الدنيا
بحس ان مش هما اللى بيموتوا انما احنا اللى بنموت مع كل روح حلوة منهم بتكون بين ادين ربها
انا لله وانا اليه راجعون

الشموع البيضاء يقول...

لا حول ولا قو ةالا بالله
على طول الحياه نقابل ناس ونعرف ناس.. فعلا دنيتنا قطار كلنا سنتركه ونرحل.. ولكن فعلا البوست مؤلم.. نسال ان يرحمها الله وتكون فى جنته بامر الله..

الـسـيـدة نـون يقول...

لا حول ولا قوة الا بالله
الله يرحمها ويصبر اخلها ويدخلها فسيح جناته

للاسف معنديش اى تعليق

DantY ElMasrY يقول...

ياااااااااااااااااااه
تخيلت نفسى مكانها صعبت عليا نفسى اوى
الموت البطىء صعب
تعفى ان مستشفى سرطان الأطفال بعد كل المبالغ اللى جمعوها سعته 180سرير بس
الظاهر انه لأطفال النخبة الجديرة بالرعاية
لنا ولها الله

محمد عبد الغفار يقول...

انه القدر وهى الحياة

Muhammad Mammdouh يقول...

انا مش قادر اتكلم ولا اعلق اول زيارة لبلوجك بس والله جسمى وجنى ومش قادر اقوم من على الكرسى
ربنا يرحمها يادكتور ويرحمنا جميعا

أم أحمد يقول...

يااااااااااااالله ...السرطان ده انتشر اوي في مصر ... ربنا يحفظنا جميعاًويبعد عنا البلاء
ربنا يصبر أهلها

Desert cat يقول...

لا حول ولا قوة الا بالله العلى العظيم
ابكيتينى وقلبى وجعنى يا دكتورة
الله يرحمها برحمته الواسعة
خالتى كان عندها نفس المرض اللعين ده وتوفت وهى عمرها 30 سنة حرمه االمرض من شبابها ومن اطفالها ولكن ذهبت للقاء من هو اجمل من الدنيا ومتاعها
الله سبحانه وتعالى
الله يرحم مها ويرحمها ويرحم الجميع

فرنسا هانم يقول...

انا لله وانا اليه راجعون
البقاء لله

القصه دى بتخلينى اتسأل
هو الواحد لما يكون عيان بمرض مستعصى ويكون تبع التأمين الصحى لطلاب المدارس
من السهل كده انه لما يخلص دبلوم يترمى فى الشارع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بطوط حبوب يقول...

انا لله وانا اليه راجعون
البوست فعلا صعب

همس الاحباب يقول...

لا حول ولا قوة الا بالله
ربنا يرحمها ويصبر اهلها
ايه يا دكتورة كل قصة بتبقى اصعب من اللى قبلها
تحياتى ..

mohand يقول...

السلام عليكم

الله يكون في عون اهلها

والله يرحمها ويغفر لها اللهم امين

المرض ده خد مني اقرب الاقربين

عشان كده بكرهه وبكره اسمه

غير معرف يقول...

حسبنا الله و نعم الوكيل فى هذة الحكومةو فى كل من كان فى استطاعته عمل شئ و لم يعمله سواء كان مسئول أو وزير أو أى كائن من كان ..
اللهم تقبلها قبول حسنا و أدخلها مدخل صدق و أحشرها فى ذمرة النبيين و الصديقين و الشهداء و حسن أولئك رفيقا..
أبو خالد

مهندس مصري بيحب مصر يقول...

لا حول و لا قوة الا بالله
الله يرحمها
بس المؤسف اكتر ان المرض ده انتشر جداً
أنا ابو واحد صاحبي أنتيمي مات بيه
و قبلها واحد صاحبي مات بنفس المرض

:(

د/اجدع بنوته يقول...

لا حول ولاقوة الا بالله

ربنا يرحمها

دوستى ع الوتر المرادى يادكتوره

كتير اوى اعرفهم راحوا بعد ماافترسهم المرض ده

ربنا يرحمهم جميعا

ويجازيهم بيه الجنه يارب

رجل من غمار الموالى يقول...

ربنا يرحمها ويصبر أهلها
ويجازى اللى سببوا لنا المرض والهم ده

قبلة الحياة يقول...

لا حول ولا قوة الا بالله

ربنا يرحمها برحمته ويصبر اهلها

مرض صعب جدا وانتشر اوي

زي الفساد اللي منتشرفي بلادنا صدقيني الاتنين ما يفرقوش عن بعض غير ان المرض بيقتلنا مرة واحدة انما فساد النفوس اللي في بلدنا نقتل فينا مليون مرة وبمليون طريقه

منهم لله وحسبنا الله ونعم الوكيل

يعني اللي معهوش فلوس زي ما بيقولوا كدا الموت اكرم له من انه يهين نفسه

ربنا يغفر لها ويجعل مسواها الجنه باذن الله ويرزقها مجاورة الحبيب المصطفى صلوات الله عليه وسلامه

أحساس لسه حى ...أنا مش موافق يقول...

عزيزتى
تفتكرى فيه كام مها

اكيد عارفه البلد اتمليت من مها

بس مش مرضى وبس

اصحاب بس للاسف اخرتهم زيها

ربنا يرحمها

واكيد هتلاقى برحمت ربنا فى الدنيا التانيه شئ احلا من الدنيا دى

سلام

ayar يقول...

ربنا يرحمها ويرحمنا جميعا .. يمكن هى استريحت من العذاب .. عذاب الفقر وعذاب المرض .. ويارب يشفى كل مريض من المرض اللعين دا .. وياريت يادكتورة قريب يتوفر كميات من الدوا المدعم دا ولا هى الدولة فالحة بس تصرف على اللعيبة ؟؟!!
اللهم عافينا

حزيــــــــــــــــــن يقول...

الكلام لا يفيد فى مثل تلك المواقف

koukawy يقول...

ربنا يرحمها ...انا لله و انا اليه راجعون
اهي مها ده فيمنها كتيييييييييير و محدش حاسس بيهم انا قلبي بيتقطع بس انا كمان ظروفي متسمحش اني اساعد في علاج حد
كتير بقعد ادعي ان يكون عندي فلوس عشان علي قد ما اقدر اساعد حد من المرضي المساكين دول ...بس انا مؤمنه ان ربنا مبيسيبش و الي كان السبب في اللي الناس فيه ربنا مش هيرحمه

AHMED SAMIR يقول...

من راقب الناس...مات هما
انا لله وانا اليه راجعون

غاوي حرية يقول...

السلام عليكم ورحمة الله وبركاته
يااااااا الله صعدت الروح الى بارئها بعد ان عانت من شدة الالم وشدة المعاناة في هذا البلد الذي يرخص فيه كل انسان ولكن باذن الله هي عند ربها أعلى فقد ابتلاها ربها بمرض لعين وابتلى اهلها ايضا فاللهم ثبتهم يا رب وكن في عونهم هم وكل من مثله في هذا البلد يا رب ... بصراحة اول مرة ادخول مدونتك وباذن الله مش أخر مرة اذا كتب الله لي عمرا بس بجد إنا لله وإنا اليه راجعون

أنسانة-شوية وشوية يقول...

لا حول ولا قوة الا بالله وانا لله وانا اليه راجعون
التدوينة دى فظيعة حسيت بالبنت رحمة الله عليهاوحسيت انى شايفاها فعلا مش عارفة اوقف دموعى
لا حول ولا قوة الا بالله العلي العظيم

الفقيرة إلى الله أم البنات يقول...

حبيبتى خمسه فضفضه
عارفه مامة بندق كانت بتعانى من الكنسر بس سبحان الله اتعالجت منه فضل القلب هو سبب كل الآلم
اصعب شى
فى الكنسر انه مرض مؤلم وعلاجه مؤلم
هذه الصغيرة التى توفاها الله
بسبب المرض...
غيرها كثيرون
ولكن الؤلم انها كانت يا حبيبتى تجاهد
ولم تكن محبطه
كم هو غريب الانسان
موفور الصحه ممتلئ بالاحباط والكسل
وغيره مريض يعانى..ويتشبث بالأمل
رحمها الله وصبر امها
ونسأل الله حسن الخاتمه

واحد بيدور علي قلبه يقول...

اللهم اعطي اهلها الصبر والسلوان بس بجد بوست صعب والام مريره

ghoneem يقول...

اهلااااا بحضرتك

قصة بتتكرر كل يوم وللاسف محدش بيحس بالناس التعبانة دي

ربنا يجازيكي خير علي الموضوع ده ويبقي منك مساعدة لاي مريض محتاج عشان الرحمة ترجع لقلوبنا تاني ونحس ببعض

اللهم اغفر لها وارحمها اللهم
اللهم عافها واعف عنها
اللهم وسع مدخلها
اللهم اجعل قبرها روضة من رياض الجنة ولاتجعله حفرة من حفر النار

امين ....امين

عاشــــــ النقاب ـقــــة"نونو" يقول...

انا لله وانا اليه راجعون تعبتي قلبي وعيطيني يا دكتورة
مش عارفة اقول ايه ربنا يتغمدها برحمته يارب
ويخف عنا الروتين وقرفه
حسبي الله ونعم الوكيل في الظلمة يارب
بارك الله فيكي وفي قلمك
من زمان وانا عاوزة اقولك احبك في الله

•√أريـ السمر ـج√• يقول...

لا حول ولا قوة الا بالله ان لله وان اليه راجعون

الله يرحمها برحمته الواسعة و يصبر أهلها

أمر مؤلم أنك تمرض .. تتألم .. أهلك يشعروا بالعجز .. كل اللى يحبوك مش قادرين يعملوا شىء يهون عليك الألم .. و تموت بعجز و صمت لأنك خلصت الدبلوم !! .

بوست مؤلم و أنما أوقات كتير محتاجين نشوف الجزء ده من الحياة

دمتي بود

Mony يقول...

لا حول ولا قوة الابالله

انا لله و انا اليه راجعون

ربنا يصبر والديها

رئـــــيسـة حزب الأحلام يقول...

قصه جميلة يادكتور
عايزة اسالك سؤال طبى انا عندى صداع شبة دائم ومبقاش يروح ولا باى حاجة ولسه كاشفة نظر قريب ممكن يكون جيوب انفية ولا اية انا الصراحة الصداع دة مجننى

Bongo يقول...

:(

لا حول و لا قوة إلا بالله

البقاء لله

بوست قوي اووي بس للأسف واقعي اوووي :(

ٍSOU يقول...

لا حول و لا قوة الا بالله
ربنا يرحمها و يصبر اهلها

أحلام عمرنا يقول...

ان لله وان اليه راجعون
ربنا يرحمها يا رب وربنا يكتب لها الي عانته حسنات وحتتجازى بيه في الأخرة
مرسي ليكي لنقل الصورة دي لينا يا دكتورة
مفيش بيت مفيهوش مشاكل نقول الحمد لله على كل حال

Unknown يقول...

انا لله وانا الية راجعون

كم يخطف الفقر والحاجة كل يوم زهرة جميلة

عروسة ننوسة يقول...

الله يرحمها ويرحم الجميع

catroz يقول...

مفيش كلام يتقال

انا لله و انا اليه راجعون ..

سنووايت يقول...

انا لله وانا اليه راجعون
ربنا يصبر اهلها ويدخلها الجنة

غير معرف يقول...

اللهم ارحمها وارحم موتى المسلمين جميعا

Asmaa mahaba يقول...

انا لله وانا اليه راجعون
كان لنا جاره عندها 2سنه وكنا بنحب نلعب معاها طفله زى العسل والناس كانت طايره بيها....واذا فجاه تصاب بتشنج تروح المستشفى يكتشفوا المرض وتبدا المعاناه....حتى وافتها المنيه
رحم الله كل من مات بهذا المرض
واستراحوا من عناءه الشديد ويعفينا منه
اصبحت كلمه سرطان زى الانفلونزا
تحياتى ليكى سومه_87

bastokka طهقانة يقول...

يا ساتر يا رب
ربنا ينجينا و ينجي اولادنا


اوروفوار

أميرة يقول...

لا حول ولا قوة الا بالله

رغم صعوبة المرض لكن له علاج الفقر

والاجراءات البطيئة المعتادة هي من قتلتها وليس المرض وحده

هذا عمرها على اى حال

بوست قوي

ربنا يغفر لها ويرحمها

الحمد لله على نعمة الصحة

الراقـــص مع الذئـــــاب يقول...

السلام عليكم
بجد يارتني ما كنت قرأتها يا دكتورة
إنا لله وإنا اليه راجعون

سلوى يقول...

لا حول ولا قوة الا بالله

انا لله وانا أليه راجعون

Abd-Alrahman يقول...

بوست جميل وطريقة تعبير اجمل
ربنا معاكي
الصراحة انا مش كملته لاني بجد مش عندي وقت
بس احييكي عليه
واتمني تزوريني في المدونة بتاعتي
واشوف ليكي رد
انا بالمناسبة لسة عامل بوست جديد
هناك قصيدة من وحي الصيدلة متاكد انها هتعجبك اوي
مستني زيارتك

اقوم بقي لاني عندي شيت اورجانيك

الصيدلي المطحون عبدالرحمن

mostafa rayan يقول...

الحمد لله الذي عافانامماابتلاها به وفضلناعلي كثير ممن خلق تفضيلا
ويارب تجاوز عنها وادخلها فسيح جناتك في الدرجات العلا من الجنة

روح شرقيه يقول...

هذا المرض اللعين
يأتى بغته ويسرق من دنيانا اشخاص
تربطنا بهم علاقات لا نعرف متى واين وكيف بدأت
لقد سرق احد اخوات ابى فجأه وبدون مقدمات بمجرد علمنا بوجود هذا الزائر اللعين وقبل ان تفيق عقولنا من المفاجاه
اخذه سريعا
اعتقد انه جاء ليقتل قلوبنا حسره على من فارقونا
ادعوا لها بالرحمه واشكرك لانك جعلتى الكثيرين يطلبون الرحمه لتلك الفتاه
ولمن فارق الحياه ايضا بسبب هذا اللعين
ارجوا من الله ان يحفظنا جميعا من شر هذا اللعين وان يرحم من سبقونا
اكرر لكى شكرى
وتعازيي لاسره تلك الفتاه
ارجوا لكى دوام الصحه والعافيه لكى وللمسلمين اجمعين ....

خمسة فضفضة يقول...

السلام عليكم ورحمة الله وبركاته

ازيكم جميعا يارب تكونوا بخير واحسن حال
الله يرحم مها ويجعل كل دعوتكم دي من نصيبها
بجد آسفه ليكم جميعا ان الحكايه وجعتكم بس اعمل ايه هي دي الحقيقه اللي ساعات بتبقي مره وللاسف ان حكاية مها بتتكرر كل يوم عشرات المرات لما المرض اللعين ده بيقتف ازهار من شباب وبنات لسه مابدأوش حياتهم اصلا ربنا مع اهلهم ويصبرهم

متشكره علي كل تعليقاتكم الجميله دي ويارب دايما حكاياتي علي طول الحياه تنال اعجابكم

منورني جميعا


سلام

david santos يقول...

Excellent post.
I loved this post.
Have a nice weekend.

أحمد سلامــة يقول...

لا اله الا الله
ربنا يجعلها فيالجنة باذن الله
ويصبر اهلها ويجازيهم خير على تحملهم عذاب رضها
في الجنة باذن الله

dina يقول...

لا حول ولا قوة الا بالله
انا لله و انا اليه راجعون...ربنا يرحمها يا رب و يجعل مثواها الجنة يا رب

بنت مصريه يقول...

انا مش عارفه اقولك ايه غير ان ربنا يرحمها انا بكتبلك التعليق ده وانا ببكىعليها وعلى اللى زيهامن اسبوع مات صاحب اخويا بنفس المرض شاب فى مثل سنها اصعب حاجه على الواحد هى انتظار الموت
من نعم ربنا علينا انه تفرد بعلم الغيب لاننا لو كنا عارفين هنموت امتى
مش هنبقى عايشين
البقاء لله جزاكى الله خيرا

Omar FadlAllah يقول...

ربنا يرحمها
ويحفظنا جميعا

أنثى الخيـــــال يقول...

لاحول ولا قوة الا بالله
شي محزن حقا

إيمان يقول...

أنا أول مرة أدخل مدونتك وعجبنى تناول القصص الانسانية اللى فيها اللى بتكون أحيانا أعمق وأكثر دراما
من أفلام ومسلسلات التليفزيون
أدمت قلبى قصة هذه الشابة الرقيقة اللى كان الأهمال اللى مش عارفة هيفضل معانا لحد إمتى هى ضحيته

أنا بردو عندى أحد طلابى بالجامعة مصاب بأنيميا البحر المتوسط ...وعدم إفراز النخاع للدم ..إلا إنه مع ذلك لا يستكين للألم ويخرج من المستشفى للمحاضرات
وأتذكر يوما كانه به نزيف وأصر على حضور يوم تسليم البحوث....
بشوفه كل يوم بيذبل ...وخايفة أسمع عنه هذه النهاية

تحياتى وتقديرى

mohamed يقول...

اللهم اسكنها فسيح جناتك ويصبر اهلها بجد صعب قوى يجتمع عليك الفقر والمرض ربنا يرحمها ويرحمنا, الامراض نهشت اجساد المصريين ومفيش حد بيتحرك عشان يحل جذور المشكلة احنا من اكتر الدول فى العالم فى امراض الكبد والكلى دا غير الامراض التانية ربنا يستر