الأحد، 18 أكتوبر، 2009

بلا عنوان


[1]

احد طباعي اني احكم علي الناس من اول لقاء وحتي وان لم نتحدث او يحدث بيننا اي احتكاك

ممكن جدا من مجرد حركه او كلمه او نظره اكره شخص او احبه من كل قلبي
لا اعرف هل يعتبر هذا الطبع عيب ام ميزه

احيانا كثيره اصيب وبعض الوقت قد اخطأ


[2]

كانت تصغرني بعام دراسي واحد كما كانت صديقه لبعض صديقاتي وإن لم
تكن في نفس الكليه

التقيها احيانا في المواصلات ، علي باب الجامعه ، في كليتي ، اوفي بعض جلسات الاصدقاء

لم تتجاوز علاقتنا تلك الابتسامه الباهته ومايتبعها من كلمات السلام البارد ،كنت اري بها الكثير من الكِبر وثقل الظل (بصراحه كانت تقيله كده علي قلبي ) لذلك فضلت ان اتجنبها لتقتصر علاقتنا علي مجرد القاء التحيه

نقلت عني ذات مره بعض الكلمات وكاد الموقف ان ينتهي بفسخ خطوبتي ، بعدها اصبحت اتجنبها

انقطعت عني اخبارها تماما مع انتهاء سنوات الجامعه

[3]
دارت الايام تزوجت ، انتقلت لبيتي الجديد وافتتحت صيدليتي ايضا بالطرف الآخر من المدينة

اصبحت جارتي وليس ذلك فقط بل هي واسرتها من زبائن الصيدليه

يالله - يجب عليّ الآن ان اتحمل هنجهيتها وثقل ظلها، استمع لحكاياها وكلي آذان صاغيه وفي نفس الوقت احافظ علي ابتسامتي
واعصر علي نفسي جوال من الليمون حتي تنصرف

تمت خطبتها لصيدلي من قرية بعيده ، جائتني وهي تطير فرحا وتحاول ان تتمنظر كعادتها وتحكي عن مزايا العريس المنتظر وكيف ان له شقته المجهزة ويمتلك صيدلية كما انه يفاضل بين اكثر من عقد عمل في احدي الدول العربية

فرحت لها كثيرا فانا لا اكرهها او لا اتمني لها الخير ولكنها كانت كما ذكرت سابقا (
تقيله كده علي قلبي )

اما اكثر أسباب فرحي أنها ستغادر الحي ولن اراها الا علي فترات متباعده

[4]
بالفعل كانت تظهر علي فترات متباعده ، وعندما تقابلني كنت اراها وقد امتلأت بالسعاده ، تتحدث عن بيتها الجديد وعن زوجها ..وعن ...وعن ....ولا تتوقف عن الحكي الا بعد ان تخبرني بكل التفاصيل

بعد ذلك زادت فترات مكوثها في بيت والدها ، في البدايه اعتقدت ان الحمل ومتاعبه -خصوصا في الشهور الاولي- هو السبب


ولكني لاحظت انها لم تعد تتحدث كثيرا كما الماضي القريب ، و بالرغم من افتعالها الضحك لاتفه الاسباب رايت نظره حزينه في عينيها


اخبرتني ان زوجها قرر ان يغلق الصيدليه ويسافر للعمل في احدي الدول العربية

بعد ان وضعت مولودها لم اعد اراها مطلقا ،وعلمت من والدتها ان زوجها قد عاد نهائيا وقرر ان يفتح صيدليته مرة اخري

عندما كانت تأتي زيارات متباعدة اصبحت تتجنب الحديث عن زوجها وتغير دفة الكلام فورا اذا جاء ذكره

[5]

بعد حوالي سنه او اكثر جاءت لتستقر مره اخري في بيت والدها ، وعلمت ان ثمة مشكله بينها وبين زوجها ،وان الامر قد وصل للطلاق الذي يرفضه زوجها بشده


وعلمت من بعض مندوبي الادوية ان كثير من المشاكل تحاصر زوجها بعد ان تعامل مع طلبيات كبيره ومشبوهه للدواء المحروق ولم يستطع سداد الكثير من الشيكات وانه حتما سيواجه السجن

اخيرا حصلت علي الطلاق وحضانة الولد بعد ان تنازلت عن كل مستحقاتها لديه ،كنت اقابلها كثيرا ف أراها مهمومه شارده
و لم تمر فتره طويله علي طلاقها حتي توفيت والدتها فجأة وبدون اية مقدمات ، وكانت صدمه عنيفه لها، فالصدر الحنون الوحيد الباقي لها لم يعد موجود

اصبحت لا ترتدي إلا السواد، مغيبه تتكلم وكأنها تأتي بالكلام من بئر عميق وبالكاد تسمع صوتها ، دائما تنظر الي الارض ، و اتخيل ايضا ان ظهرها قد انحني من الهموم وأنها كبرت فوق عمرها سنوات وسنوات


تبدلت مشاعري تجاهها ، اصبحت اشفق عليها بشده ، ينفطر قلبي كلما رايتها وابنها الذي يهمله والده ولا يتحمل اية مسؤلية تجاهه


مع ذلك لم اعرف كيف اساعدها ولا كيف اخفف عنها ، ولكني احاول ان ابتسم دائما في وجهها واذكرها ان الله رؤوف رحيم وانه حتما يخبئ لها ماهو افضل في الايام القادمه



هناك 36 تعليقًا:

همســات عــلى ضــوء الــقمر يقول...

اعتبر نفسى اول تعليق

ولا ايييييه

همســات عــلى ضــوء الــقمر يقول...

ماشاء الله

طب ناخد التانى كمان

ونروح نقرأ ونرجع

همســات عــلى ضــوء الــقمر يقول...

حاولى تتقربى منها

هى ممكن تكون بتحبك
وانت علشان حكمتى عليها من اول مرة

حاطة حاجز

وربنا يفك كرب كل انسان

همســات عــلى ضــوء الــقمر يقول...

امتنى انك تزورينا فى طيور الجنة

http://teoralgana.blogspot.com/

همســات عــلى ضــوء الــقمر يقول...

طب اكملهم خمسة

واقول تصبحى على خيير

:):):)

ستيته حسب الله الحمش يقول...

الشكيكة خمسة فضفضة

مش عارفة اقول لك ايه
قصة شفناها كتير
انا برضه ان قلبي لم يرق له انسان لا يمكن اعاند حدسي واعرفه بشكل مكثف
الأرواح جنود مجندة ما تعارف منها أئتلف

ربنا يصلح لها الحال ويرزقها باللي يصالحها على نفسها والأيام

تحياتي

يــوم جــديد يقول...

سبحان مقلب القلوب والأحوال
كل شيء يتغير
قليلون من يفعلون مثل ما فعلت في كل تلك المواقف
أتجنبها لأنها كادت تتسبب في فسخ خطوبتي
دون أن أنشر بين الجميع ما فعلت ودون أن أعنفها
أبتسم في وجهها لحقوق الجيرة
أشفق لحالها لما أصابها
وفي النهاية يبقى القبول والمحبة الصادقة خارج إرادتنا الحرة
لا نستطيع أن نكره من أحببناه ولو آذانا ولا أن نحب من لا نحب ولو أكرمنا

Mr.ProiD يقول...

السلام عليكم و رحمة الله و بركاتة

ازيك يا دكتوره اخبارك ايه

الإنطباعات الأولي تدوم

برغم من كل ما حدث لها فكل شعورك تجاه هذه السيدة لم يتعدي الشفقة

و هذا لثقل ظلها عليكِ

تحياتي

فكرة من الزمن ده يقول...

ياسبحان الله الدنيا لاتدوم على حال
ربنا يصبرها ويعينها
ويلهمك تصرف تخففي بيه عنها
تستطيعي التقرب لها كصديقة ولكن لابد من التخلص من احساس الشفقة ليدك حتى لا تجرحيها
تحياتي

Ahmed Mubarak يقول...

القصه الشهيره عن الانطباع الاول
لكن انا ارى ان الانطباع الاول مش مشكلتك بل مشكله الشخص .. لكن مسؤوليتك انك تخلي الانطباع ده يتمحور بطريقه تمنع ان الواحد يتثقل الي امامه وده ممكن

فاتيما يقول...

وحشتينى يا فضفوضتى
و وحشانى كلامك
و الزمن و عمايله يا حبيبتى
كنت من مشجعى فكرة الإنطباع الاول دى
بس بقيت افضل ادى فرص للى قصادى
بس لو قعد ياكل ف دماغى زى ما هيا عملت
معرفشى اكيد مشاعرى لن تختلف عن مشاعرك بالتاكيد
بوسة و حضونااااااااات يا حبيبتى

يا مراكبي يقول...

تشفقين عليها من وجهة نظر نبيلة .. ارحموا عزيز قوم ذلوا


أحسنت الفعل

ـ-ـ- أحمد عبد العدل-ـ-ـ يقول...

ياااه يادكتورة ،،، صعبة الحياة أوى لما الانسان يكون حاسس فيها بشئ من الغدر ،،مبحبش الانكسار
ربنا يرزقنا الرضا بقضائه و السعادة فى الدارين

خواطر شابة يقول...

انا اعاني من أن الانطباع الاول الدي اعطيه هو التكبر وثقل الدم رغم ان هده ليست حقيقتي حيث ان خجلي هو الدي يمنعني من اكون منطلقة او على طبيعتي مع من لااعرفهم.
وقد اكتشفت هدا الامر لانه كلما توطدت علاقتي بشخص الا وقال لي سبحان الله انت غير ما كنا نظن
لهدا لست من انصار الحكم على الشخص من الانطباع الاول وان نعطيه فرصة للتعرف اكثر.
تحياتي لك

إنـســـانـة يقول...

ربنا يصلح حالها ويبدلها بزوج خير من الأول يارب اللهم آمين

donya يقول...

اول زياره للمدونه
وان شاء الله مش الاخيره
ولوان لاحظت من تجوالي انك بتغيبي عنها كتير

بالنسبه للبوست الورده المغروس فيها ابره خطيره جدا
اما البوست هنا
الحقيقه انا جديده ومش فاهمه
هي دي قصه حقيقيه وعايزه رأيي
والا قصه انت كتباها

عموما هي قصه كلها عبر وعظه
واكيد كل واحد هياخدها من منطلقه

اقصوصه يقول...

اللي يعيش يشوف :)

kafrawy يقول...

لا حول ولا قوة الا بالله العلى العظيم

نعكشة يقول...

والدتي كدة
بس معظم نظراتها مصيبة
ماشاء الله

مبعرفش

بسيب الشخصية اللى قدامي تبلور نفسها و ترسم نفسها لحد ما اشوفها
و كتير ما بتكملش صورتها او اللوحة اللى بترسمها لنفسها لإن علاقتنا بتنتهي سريعاً لإنى مش بعرف حد لفترة زمنية طويلة
إلا نادراً

بالنسبة للسيدة
كان الله في عونها

ربنا يقويها يا رب

اة صحيح بالمناسبة
الرسومات اللى فوق فى اعلى المدونة دي تحفة
ماشاء الله

سلام عليكِ

لماضة يقول...

ربنا يصلح حالها

صبرني يارب يقول...

ايه يا جميل مش هاتيجى التجمع عندنا فى المنصوره ولا ايه

تعالى شوفي كده عندي

MaNoO يقول...

عارفة انسى الماضى اللى كان بينك وبينها دا وكمان متتعامليش معاه عشان الشفقة بس لان دا بيتلاحظ وهيبى جرح اكبر ليه اتعاملى معاه انها انسانة وكل اللى بينك وبينها حب فى الله بنطق الروحانيات الصافية والهدوء الداخلى لكل واحد فينا نقدر نكسر حاجز الملل او حاجز التقل اللى بينا وبين الناس اوعى تفكرى تبعدى عنها او تطنشيها حبيها اكتر وربنا هيمنحك القدرة انك تحبيها بجد فعلا

تقبلى مرورى

A.SAMIR يقول...

سبحان الله
الدنيا دي غريبة جدااا
الناس احوالها بتتبدل و مصائرها بتتغير
و مشاعرنا كمان
لا املك بعد هذا البوست سوى ان اقول
سبحان الله

~PakKaramu~ يقول...

Pak Karamu visiting your blog

singamaraja يقول...

Reading and visiting your blog

أحمد شريف يقول...

أعجبني هذا الطرح للغاية بارك الله بك وفيك .. كوني معها فارسة كما أظنك إن شاء الله

غير معرف يقول...

الواحد معظم الاوقات بيحكم علي الناس بودن سبب...زي ما قلتي كده من نظرة او كلمة اوا او...

بس احيانا كتير بالنسبالي انا بيطلع حكمي مش في محله...!!!

بس بلاش تبني صداقة علي اساس شفقة علي حال....اتكلمي معاها لو حبت هيا تفضفض معاكي او تشكيلك...
واوعي الشفقة واحتياجها ليكي يخليكي (تندلقي ) _سوري علي اللفظ_ علي صداقتها علي طول....لان دا سببلي انا مشاكل ياااااما


أم أريج

Sharm يقول...

هو عموما الانطباع الاول قد يكون كاذب احيانا

~PakKaramu~ يقول...

Pak Karamu visiting your blog

عابرة السبيل = ام بقلظ باشا يقول...

مش بس كده
احيانا اللى بيبقى تقيل على القلب ده تعامليه بشكل وحش كمان رقم انه معملكيش حاجة وتبقى مستغربه من جواكى انتى بتعملى كده ليه

حصلت معايا
بس لحقت نفسى واديت نفسى فرصه افهمها صح
والحمد لله بقينا اصحاب

maxbeta3zaman يقول...

6 فضفضه

غير معرف يقول...

ثقافة الهزيمة.. أسكندرية ليه؟

مصر تركز فى الدعاية و التسويق السياحى بالخارج على السياحة فى البحر الأحمر و سيناء و الرحلات النيلية من القاهرة لأسوان ، و هناك تصور خاطئ بأن الأسكندرية هى للسياحة الداخلية بالأضافة لبعض السياح العرب خاصة من ليبيا و هذا فقط فى شهور الصيف، و عندما شاهدت درجات الحرارة بمدينة الأسكندرية طوال العام فهى حتى فى شهور الشتاء تتراوح ما بين 8 و 18 درجة مئوية ، و هى تعتبر دافئة بالنسبة لسائح من أوروبا فينبغى عمل تخطيط لجذب ملايين من السياح الأجانب على مدار العام للأسكندرية، سيما أن هناك مواسم أجازات فى أوروبا و أمريكا فى الشتاء يستغلها الكثيرين للسفر و السياحة.

الأسكندرية مدينة تاريخية و لا تقل بأى حال عن مدن اليونان و إيطاليا و هى تستحق الزيارة، الأسكندرية فقط بمفردها و بما بها من أمكانيات سياحية تحتاج فقط إلى تحسين فى البنية التحتية و زيادة الطاقة الفندقية مع التسويق الجيد ليزورها 10- 15 مليون سائح سنويا مثل دبى و سنغافورة...

باقى المقال ضمن مقالات ثقافة الهزيمة بالرابط التالى www.ouregypt.us

David Santos يقول...

Hello, my friend, have a nice week and peace.

Mohamed Amer يقول...

السلام عليكم
انا من رأيي انك تكلميها , يمكن الموقف القديم اللي حصل كان فيه سوء تفاهم او حتي لو كان قصدها فالمسامح كريم , يمكن هيا محتجالك او محتاجه لشخص تتكلم معاه , ويمكن انتي حاسه بكدا

تحياتي

Uouo Uo يقول...

thx

شركه تنظيف

شركة المثالية للتنظيف يقول...



شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر